Resensi Novel "Seuneu Naraka"

RESENSI NOVEL SUNDA

“SEUNEU NARAKA”

Disusun ku:

Aura Siti Rahmawati

Elfira Rosyadhah

Faizal Yusuf

Retno Wulandari

Seli Lestari

Kelas: XI Analis 6

SEKOLAH MENENGAH KEJURUAN 7 BANDUNG

BANDUNG

2016

“Seuneu Naraka”

1.      Pangarang       : Akutagawa Ryunosuke disundakeun ku Tini Kartini

2.      Pamedal          : PT. Kiblat Buku Utama

3.      Taun medal     : 2005

4.      Kandelna         : 52 kaca

5.      Ukuran buku : 22 cm x 14,3 cm

6.      Sempalan         :

Kadeudeuh jeung kanyaah Yoshihide nu tanpa wates wangenna teh tamplok ka anakna nu ngan hiji-hijina. Mojang leutik nu keur kumawula di Karaton Otono Sama.

Saperti geus dicaritakeun tadi, Yuzuki teh budak mojang nu kacida lemah-lembutna, sarta kacida kumurebna ka nu jadi bapa. Tapi kanyaah bapana Yuzuki ge teu kurang-kurang mun dibandingkeun jeung kacinta anakna ka manehna.

Naha henteu ngarasa heran mun nyaksian jalma nu pangmeditna sadunya,sarta cadu mere sidkah ka kelenteng najan sapeser, bisa ngawur-ngawur duit teu jeung itungan, ngan lantaran hayang mangmeulikeun perhiasan jeung kimono endah keur nyukakeun Yuzuki?

Tapi kanyaah Yoshihide ka Yuzuki teh ceuk kuring mah,ukur nyaah dulang wungkul. Da buktina, manehna teu boga niat pikeun mangneangankeun jodo nu hade keur Yuzuki. Sok sanajan kitu, manehna bakal nyewa tukang gebug nu gangas, mun kadenge aya nu wani garamang-giriming ka Yuzuki.

Ku lantaran kitu basa Otono Sama nimbalan, sangka Yuzuki jadi emban di karaton Horikawa, Yoshihide kacida hanjelueunana. Kahandeueulan hatena mindeng ditembongkeun payuneun Otono Sama mun manehna pareng ngadeuheus ka karaton. Sikep Yoshihide nu terang-terangan nembongkeun kateuresepna ka Otono Sama nimbulkeun sangkaan yen Otono Sama teh mikapalay Yuzuki.

Tangtu wae, najan ceuk kuring mah eta sangkaan teh teu bener, Yoshihide satekah polah neangan akal sangkan anakna kaluar ti karaton. Kaharti ku kitu tea mah, da puguh manehna kacida nyaahna ka nu jadi anak. Meureun embungeun pisah, lain lantaran hal-hal sejenna.

Basa Yoshihide nyieun lukisan “Monyu”, Dewa Kawijaksanaan nu ngadeg dina panangan kiwa sang Buda, Otono Sama teu kinten katajieunana ku eta lukisan. Dugi ka anjeunna sasauran kieu:

“Kami rek mere hadiah. Naon wae nu dipikahayang ku andika rek dicumponan. Ku lantaran kitu pok geura caritakeun naon pamenta andika?”. Yoshihide menta sangkan Yuzuki diidinan kaluar ti karaton. Kapan aneh, batur mah hayang anakna bisa ngawula di karaton, ieu sabalikna.

Atuh puguh wae, Otono Sama nu biasana sok resep guyon teh, harita mah bendu beak karep. Sanggeus kitu gejlig angkat ngantunkeun Yoshihide bari sasauran bengis:

“Teu kami teu deuk ngidinan, masing kalah kumaha oge!”.

Ti harita tepi ka aya opat lima kalina Yoshihide menta sangkan Yuzuki diidinan balik, tapi salawasna eta pamenta teh ditolak. Sarta ku kuring katenjo soca Otono Sama beuki ceuceub bae mun ningali ka Yoshihide teh. Pasti, lantaran ku kajadian ieu matak timbul sangkaan yen enya Otono Sama teh palayeun ka Yuzuki, sarta ieu beja teh beuki lila beuki nyebar.

Urang kudu percaya, yen pangna Otono Sama teu ngawidian Yuzuki kaluar ti karaton teh, lantaran anjeunna hawartoseun ka Yuzuki. Batan eta budak parawan hirup jeung bapana nu rada sateungah buah leunca nya mending aya di karaton nu sagala nyampak. Kituna Otono Sama kajurung ku manahna nu kebek ku rasa asih ka abdi-abdina. Anjeunna sering pisan maparin hadiah-hadiah barang anu arendah ka Yuzuki, atuh ku Yuzuki ge ditarima kalawan ati anu wening.

Najan kitu, ku lantaran Yoshihide keukeuh mementa Yuzuki, Otono Sama jadi ijideun pisan ka Yoshihide. Sarta duka naon alasanana, anjeunna ujug-ujug nimbalan ka Yoshihide sangkan nyieun layar nu digambaran kaayaan jero naraka.

7.      Ringkasan       :

Nyaritakeun hiji jalma anu miboga kaahlian ngalukis lian ti batur, tapi anjeuna ngabogaan sifat angkuh, hese diatur, hayang meunang sorangan, jeung sifat teu pikaresepen laina. Jalma eta namina Yoshihide, yen manehna teh nu ngabogaan lukisan “Seuneu Naraka”. Dina lukisan eta teh ngagambarna kudu make model asli. Yoshihide ngumpulkeun gambaran jalma-jalma nu kasiksa di jero naraka. Hiji mangsa Yoshihide menta tulung ka Raja Otono Sama keur ngagunakeun kareta karaton keur model terahir lukisanana, tapi model awewe na nyaeta lain deui putrina nyalira, nyaeta Yuzuki.

Tidinya Yoshihide bener-bener ngarasakeun kasiksana siksaan batin, sadaya anu dipikaalaman ku murid-muridna kabales ku ningali nu jadi anak nu diduruk hirup-hirup bari dirante. Tadina mah Yoshihide rek nulungan anakna. Tapi teu kaburu, pas seuneuna gede torojol monyet Yoshihide teu lain piaraan Yuzuki nulungan dununganana. Teras nyandak Yuzuki diantara buleuneun haseup nu teu katenjo deui.

8.      Kahengkoran:

Seueur kecap anu salah nyerat, seueur kecap anu teu dipikahartos, ahir carita kirang jentre.

9.      Kaanjoyan :

Caritana rame, teu seueur teuing tokoh, tiasa dibaca ku sadaya jalmi, ngagaduhan maksud anu sae.